لاہور (کرائم رپورٹر) تھانہ ستوکتلہ کی حدود سے دن دیہاڑے ایک کالج کے باہر سے نوجوان کو اغوا کرلیاگیا اور یہ اغوا ممکنہ طورپر قتل کیس کی پیروی کرنےکی وجہ سے کیا۔ پولیس کے مطابق مخالفین نے نجی سکول کے باہر سےاے لیول کے طالبعلم کو اغواء کیا اور تشدد کے بعد اسلحہ کے زور پرکارمیں بٹھاکرلے گئے، اغوا کارمصطفی اور منشا ٹلی نے طالبعلم پرتشددبھی کیا۔ پولیس کا کہنا ہے کہ مغوی ارحم کے تایا کوملزمان قتل کر چکے ہیں اور اس کیس کی پیروی ارحم کررہے تھے۔ واردات کا مقدمہ درج کرلیا گیا تاہم سی سی ٹی وی فوٹیج اور گاڑیوں کے استعمال کے باوجود آخری اطلاعات نہ تو مغوی بازیاب ہوا اور نہ ہی ملزمان پولیس کی گرفت میں آ سکے۔
