چنئی(سپورٹس ڈیسک)آئی سی سی ورلڈکپ 2023 میں جنوبی افریقہ کے خلاف ٹاس جیت کرپہلے بیٹنگ کرنے کا فیصلہ کرنے والی پاکستان کرکٹ ٹیم کے اوپنرز آج بھی نہ چل سکے، محمد رضوان کے آوٹ ہونے کے بعدافتخار احمد کریز پر آئے تاہم وہ بھی ایک بلند و بالا شاٹ کھیلتے ہوئے کیچ آوٹ ہو گئے ،کپتان بابر اعظم نصف سنچری بنا کر کریز پر موجود ہیں۔
”پاکستان ٹائم“کے مطابق ورلڈکپ میں پاکستان جنوبی افریقہ کے خلاف بقاءکی جنگ لڑرہا ہے، میچ میں کامیابی سیمی فائنل کی دوڑ میں شامل ہونے کی امید زندہ رکھے گی۔پاکستان کی پہلی وکٹ 20رنزکے مجموعی سکور پر گری جب اوپنر بیٹسمین عبداللہ شفیق 17 گیندوں پر 9 رنز بنا کر پویلین لوٹ گئے۔ دوسری وکٹ 38رنز پر گری جب امام الحق 12 رنز بنا کر آو¿ٹ ہوگئے۔تیسرے آوٹ ہونے والے کھلاڑی محمد رضوان تھے جو 27گیندوں پر 31رنز بنا کر کیچ آوٹ ہو گئے،پاکستان کے چوتھے آوٹ ہونے والے کھلاڑی ”چاچا افتخار تھے جنہوں نے 31گیندوں پر21رنز بنائے ۔27اوور کا کھیل مکمل ہو چکا ہے اور کپتان بابر اعظم 64گیندوں پر 50رنز بنا کر کریز پر کھڑے ہیں جبکہ دوسرے اینڈ پر سعود موجود ہیں جنہوں نے تین رنز بنائے ہیں ،پاکستان کا مجموعی سکور27اوورز کے اختتام پر 136ہے۔
