ڈیرہ غازی خان (بیورو رپورٹ)سابق صدر پاکستان سردار فاروق احمد خان لغاری کوہم سے بچھڑے 13بر س بیت گئے۔ وہ نومبر1993ءتا دسمبر1997ءتک پاکستان کے صدر رہے ہیں اور انہیں یہ اعزاز بھی حاصل ہے کہ وہ ملک کے پہلے اور تاحال واحد سرائیکی سپیکنگ صدر تھے۔
یہ بھی پڑھیں:مہنگی بجلی سے پریشان عوام کو ایک اور کرنٹ لگانے کی تیاری
”پاکستان ٹائم “کے مطابق سردار فاروق احمد خان لغاری پاکستان کے ایک معروف سیاستدان تھے وہ جنوبی پنجاب کے ضلع ڈیرہ غازی خان کے علاقے چوٹی زیریں میں پیدا ہوئے انہوں نے ذوالفقار علی بھٹو کے دور حکومت میںسینیٹر بن کر اپنے سیاسی کیرئیر کا آغاز کیا۔1993ءکے انتخابات میں وہ ریکارڈ ووٹوں سے رکن اسمبلی منتخب ہوئے محترمہ بے نظیر بھٹو شہید نے انہیں وزیر خارجہ بنایاا ور بعدازاں وہ صدارتی انتخابات میں مد مقابل وسیم سجاد کو شکست دے کر صدر مملکت منتخب ہو گئے۔نومبر1996ءکو وزیر اعظم محترمہ بے نظیربھٹو سے اختلافات کی بنا پر صدر فاروق احمد لغاری نے اسمبلی تحلیل کر دی۔1997ءمیں نواز شریف کی حکومت سے تنازع پر وہ صدر مملکت کے عہدے سے مستعفی ہو گئے۔سردار فاروق احمد خان لغاری نے ملت پارٹی کے نام سے اپنی جماعت بنائی جسے انہوں نے بعد ازاں مسلم لیگ ق میں ضم کر دیاوہ سال2008ءکے الیکشن میں رکن اسمبلی منتخب ہوئے۔سردار فاروق احمد خان لغاری نے بطور وفاقی وزیر اور سربراہ ملت پارٹی کے جہانیاں کے متعدد دورے کیے تھے۔سردار فاروق احمد خان لغاری 20اکتوبر 2010ءکو حرکت قلب بند ہوجانے کے باعث انتقال کر گئے تھے۔
یہ بھی پڑھیں:پی ٹی آئی رہنماﺅں کے گھروں پر چھاپے،نائب صدر کے پی انور زیب خان گرفتار
