لاہور (سٹاف رپورٹر) بغیر ترپال، ڈھانپے بغیر ڈمپر، ٹرالیوں، بھوسے اور دیگر لوڈر گاڑیوں کے خلاف کارروائی کا حکم دے دیاگیا ہے ، یہ حکم سی ٹی او لاہور مستنصر فیروز نے ماحولیاتی آلودگی اور سموگ کے خاتمے کے لئے دیا۔ ان کاکہناتھاکہ لاہور ٹریفک پولیس محکمہ ماحولیات اور دیگر الائیڈ محکموں کے ساتھ مل کر کارروائی کرے گی، دھواں چھوڑنے والی گاڑیوں کیخلاف بھی ایک مرتبہ پھر سے کریک ڈائون کا حکم دیا اور شہر کے داخلی و خارجی راستوں پر خصوصی ناکے لگانے کی ہدایت کی، شہر میں آنے والی بڑی اور لوڈر گاڑیوں کو خصوصی طور پر چیک کیا جائے گا، اب کوئی بھی ریت و مٹی والی ٹرالی بغیر ترپال سفر کرتے نظر نہ آئے۔ انہوں نے اس سلسلے میں ڈی ایس پی ماڈل ٹائون کو صوئے آصل، ڈی ایس پی صدر کو ٹھوکرنیاز بیگ پر خود کارروائی کا حکم دیاہے ۔
