کراچی (نیوز رپورٹر)کراچی میں ’آشوب چشم‘ کی وبا میں غیر معمولی اضافہ ہوگیا، یومیہ درجنوں کیسز رپورٹ ہونے لگے۔
یہ بھی پڑھیں:شدید حبس اور گرمی میں مفید قدرتی چیزیں
”پاکستان ٹائم“کے مطابق گزشتہ ماہ سے شہر قائد کے سرکاری و نجی ہسپتالوں میں یومیہ درجنوں آشوب چشم کے کیسز رپورٹ ہو رہے ہیں۔جناح ہسپتال میں یومیہ 50 آئی او پی ڈیز ہوتی ہیں جن میں سے 25 کیسز ریڈ آئی کے رپورٹ ہو رہے ہیں جن میں بچے اور خواتین بھی شامل ہیں۔ڈاکٹرز کے مطابق کیسز میں اضافہ متاثرہ شخص کی آنکھ کا پانی دوسرے میں منتقل ہونے کے باعث ہے،ریڈ آئی انفیکشن 8 سے 10 روز تک رہتا ہے، متاثرہ فرد کی آنکھیں نمی کے ساتھ سرخ ہو جاتی ہیں،آنکھوں میں درد بھی ہوتا ہے،متاثرہ فرد کا تولیہ اور صابن سمیت دیگر استعمال کی اشیاء علیحدہ رکھے جائیں،متاثرہ فرد آنکھ کو تجویز کردہ آئی ڈراپ اور صاف ٹیشو سے صاف کر سکتا ہے،متاثرہ آنکھ کو ٹھنڈے پانی سے دھونے سے آرام ملتا ہے،ریڈ آئی انفیکشن کے پھیلاو کو روکنے کے لئے احتیاط اور صفائی ضروری ہے۔
