فیصل آباد (نیوز ڈیسک)ڈیٹ پام ریسرچ انسٹی ٹیوٹ فیصل آباد کے ماہرین زراعت نے کہا ہے کہ کھجور کا پھل اگست کے آخر میں پکنا شروع ہو جاتا ہے اور ستمبر کے آغاز میں کھجور کا پھل مکمل طور پر پک کر تیار ہو جائے گا جسے جدید ٹیکنالوجی کے استعمال سے 10 سال کے لیے ذخیرہ کیا جا سکتا ہے۔
یہ بھی پڑھیں:مولی کی پیدا وار،ماہرین نے کاشتکاروں کو اہم ہدایات جاری کر دیں
انہوں نے کہا کہ جیسے جیسے گرمی کی شدت میں اضافہ ہوتاہے ویسے ہی کھجور جلد پک کر تیار ہونا شروع ہو جاتی ہے،کھجورقدرت کا ایک ایسا انمول تحفہ ہے،کھجور کی افادیت اپنی جگہ جبکہ کھجور کے درخت بھی بہت اہم خواص کے حامل ہوتے ہیں۔ انہوں نے کہا کہ کھجور کے تنے میں گھاو لگایا جائے تو اس سے انتہائی لذیز اور خوشبودار مواد برآمد ہوتا ہے اور اسے عموماً اس وقت پیا جاتا ہے جب اسے نکالا جائے۔انہوں نے کہاکہ کھجور کے پیڑ سے نکلنے والے گوند کو بیرونی چوٹوں کے لیے استعمال کیا جاتا ہے جبکہ گھٹنے پر چوٹ کے لیے استعمال کی صورت میں بھی افاقہ ہو سکتا ہے۔
