لاہور (سٹاف رپورٹر )مسلسل 15پیشیوں سے غیر حاضر عثمان بزدار کو ایک بار پھر آمدن سے زائد اثاثوں کے کیس میں نیب طلب کر لیا، انہیں31 جولائی دن 11 بجے پیش ہونے کی ہدایت کی ہے۔
پاکستان ٹائم کے مطابق گزشتہ طلبی پر عثمان بزدار کے وکیل نے نیب کو بتایا تھا کہ ان کے موکل پیش نہیں ہوسکتے اور نیب نے یہ جواب وصول کرنے سے انکار کر دیا تھا۔یاد رہے کہ عثمان بزدار کے خلاف نیب میں اثاثہ جات ، تقرر و تبادلوں ، من پسند ٹھیکوں اور پنجاب سے گندم بیرون ملک بھجوانے کا کیس بھی زیر تفتیش ہے۔
