لاہور( سٹاف رپورٹر)محکمہ موسمیات کے مطابق پاکستان کے بیشتر مقامات پر جون،جولائی اور اگست کے دوران معمول سے کم بارشیں متوقع ہیں۔
محکمہ موسمیات نے جون،جولائی اور اگست 2023 کا آﺅٹ لک رپورٹ جاری کر دی۔رپورٹ کے مطابق شمالی علاقہ جات کے چند مقامات پر معمول سے کچھ زیادہ بارشیں ہوسکتی ہیں۔بلوچستان کے ساحلی علاقوں سمیت مغربی حصے میں بھی معمول کے مطابق بارشیں ہو سکتی ہیں۔
مزید پڑھیں:حکومت نے خاموشی کے ساتھ روز ویلٹ ہوٹل 3 سالہ لیز پر دے دیا
رپورٹ کے مطابق درجہ حرارت کے بڑھنے سے خیبر پختوانخواہ کے بالائی علاقوں،گلگت بلتستان اور کشمیر میں پہاڑوں کی برف پگھلنے کا عمل بڑھ سکتا ہے،تیز ی سے برف پگھلنے کے باعث دریاں میں پانی کا بہاﺅ زائد رہ سکتا ہے۔رپورٹ کے مطابق اس سیزن میں کم بارشیں اور زائد درجہ حرارت غالب رہ سکتے ہیں ملک کے جنوبی حصے میں خریف کی فصلوں اور سبزیوں کے لئے اضافی آب پاشی کی ضرورت ہو سکتی ہے۔
