کراچی (شوبز رپورٹر) پاکستان تحریک انصاف کے چیئرمین عمران خان کے دست راست اور معروف گلوکار سلمان احمد نے 9 مئی کے واقعات کی سخت الفاظ میں مذمت کرتے ہوئے ملوث افراد کے لئے سزا کا مطالبہ کر دیا۔
پاکستان ٹائم کے مطابق اپنے ایک بیان میں گلوکار نے کہا ہے کہ 9 مئی کے واقعات پر دل بہت دکھا، ان واقعات کی سخت الفاظ میں مذمت کرتا ہوں۔ انہوں نے ان واقعات کے ذمہ داروں کو سزا کا مطالبہ کرتے ہوئے کہا کہ 9 مئی کے واقعات میں ملوث افراد کو قانون کے مطابق سزا ملنی چاہئے۔
