کوئٹہ (سپورٹس رپورٹر) 34ویں نیشنل گیمز میں پاکستان آرمی 101 گولڈ میڈلز کے ساتھ سرفہرست ہے،آرمی کے ایتھلیٹس نے 65 سلور اور 29 براونز میڈلز بھی حاصل کیے ہیں۔
پاکستان ٹائم کے مطابق دوسرے نمبر پر موجود واپڈا نے 54 گولڈ، 50 سلور اور 43 براونز میڈل اپنے نام کیے ہیں،نیوی کے دستے نے نیشنل گیمز میں 26 گولڈ میڈلز سمیت 89 تمغے حاصل کر لیے،اس کے علاوہ پاکستان ائیر فورس نے 5 گولڈ، 19سلور اور 26 براونز میڈلز جیت لیے جبکہ ہائر ایجوکیشن کمیشن نے تین گولڈ میڈلز سمیت 62 میڈلز جیتے ہیں،خیبر پختونخوا نے سونے کے 2، 3 سلور اور 21 براونز میڈلز اپنے نام کیے جبکہ بلوچستان،ریلویز اور پولیس نے ایک،ایک گولڈ میڈل جیتا ہے،گلگت اور آزاد کشمیر کے کھلاڑی نیشنل گیمز میں اب تک کوئی میڈل اپنے نام نہیں کر پائے۔
