لاہور (سٹاف رپورٹر ) سابق بلے باز اور پشاور زلمی کے بیٹنگ کوچ کامران اکمل کے صبر کا پیمانہ لبریز ہو گیا، چھوٹے بھائی کے حق میں بولتے ہوئے پاکستان کرکٹ بورڈ ٹیم مینجمنٹ کو آڑے ہاتھوں لے لیا ۔
” پاکستان ٹائم “کے مطابق کامران اکمل کا کہنا ہے کہ عمر اکمل کے ساتھ ناانصافی ہورہی ہے، اس کے ساتھ زیادتی ہوئی، میرے خیال میں زیادتی ایک حد تک ہونی چاہیے کہ اگلے بندے کو سبق حاصل ہو، سائیڈ لائن کردینا سمجھ سے باہر ہے، عمر قومی ٹیم میں آنے کا اہل ہے، ورلڈکپ اور ایشیاکپ قریب ہے، میرے خیال میں ٹیم کے مڈل آرڈر کو عمر اکمل جیسے کھلاڑی کی ضرورت ہے، عمر نے ہمیشہ ٹیم کے لیے کھیلا ہے۔
زلمی کے بیٹنگ کوچ نے عمر اکمل کی انٹرنیشنل کرکٹ میں پابندی کے بعد میدان میں شاندار طریقے سے واپسی پر کہا کہ اس کی واپسی بہت مشکل تھی جس کے لیے اس نے برسوں جدوجہد کی، سلیکشن کمیٹی، ٹیم مینجمنٹ یا کوئی کوچ نیا آتا ہے، بابر کپتان ہے، اس سمیت ان سب نے ٹیم بنانی ہے، کپتان پر منحصر ہے، دیکھتے ہیں کیا ہوتا ہے، آنے والی سیریز میں پرامید ہوں کہ جب سب کو موقع دیا ہے تو اس کو بھی دیا جائے گا، جب عماد وسیم کا کم بیک ہوا ہے تو عمر کا بھی ہوگا۔
