لاہور (مانیٹرنگ ڈیسک )صوبائی دارالحکومت لاہور کی بڑی عدالت نے ماہ رمضان کے پیش نظر ریسٹورنٹس کے اوقات کار تبدیل کرنےکی اجازت دے دی ہے ۔
”پاکستان ٹائم “ کے مطابق لاہور ہائی کورٹ میں سموگ کے تدارک کے لیے دائر درخواستوں پر سماعت ہوئی، جسٹس شاہدکریم نے شہری ہارون فاروق سمیت دیگر کی درخواستوں پرسماعت کی، ایک درخواست گزار کے وکیل نے کہا کہ ریسٹورنٹس کا مسئلہ ہے، 11 بجے بندکیا جائے تو سحری کے وقت کیسے اوپن کریں ؟عدالت نے ریسٹورنٹس کو افطاری سے سحری تک کھولنے کی اجازت دے دی۔
واضح رہے کہ لاہور ہائی کورٹ نے سموگ کی روک تھام کے لیے لاہور کے تمام ریسٹورٹنس رات 10بجے بند کرنے کے احکامات جاری کیے تھے بعد ازاں عدالت نے ایک گھنٹے کا اضافہ کرتے ہوئے رات 11 بجے تک ریسٹورنٹس بند کرنے کے احکامات دیے تھے۔
