وزیرستان ، دہشتگردوں کا سی ٹی ڈی پر حملہ، جوابی کارروائی میں 7 دہشتگرد ہلاک

پشاور(سٹاف رپورٹر)شمالی وزیرستان میں کاونٹرٹیررازم ڈیپارٹمنٹ کی ٹیم پردہشت گردوں کی جانب سے حملہ، جس میں7دہشتگرد ہلاک ہو گئے ہیں۔
”ایکسپریس نیوز “ نے ترجمان سی ٹی ڈی کے حوالے سے بتایا کہ سی ٹی ڈی ٹیم پر دہشت گردوں کی جانب سے حملہ زیر حراست 3 ملزمان کو رہا کروانے کیلئے کیا گیا ، جس میں زیر حراست اور حملہ آور4 دہشت گرد ہلاک ہو گئے ہیں۔
ترجمان سی ٹی ڈی کے مطابق شمالی وزیرستان کی آپریشن ٹیم انتہائی اہم ملزمان کو میران شاہ سے بنوں لے جارہی تھی کہ راستے میں تھانہ میر علی بائی پاس کے قریب دہشت گردوں نے اچانک جوانوں پر اندھا دھند فائرنگ شروع کردی جبکہ ہینڈ گرینڈ بھی پھینکے، جوابی کارروائی میں 4 دہشتگرد ہلاک ہوگئے۔
سکیورٹی فورسز اور پولیس کی مشترکہ سرچ اینڈ کلیئرنس آپریشن کے دوران دہشت گردوں کے ساتھی تاریکی کا فائدہ اٹھا کر بھاگ نکلے تاہم ہلاک دہشتگردوں کی شناخت ارشاد اللہ عرف ابوبکرولد معصوم اللہ سکنہ مادیپ خیل نورڑ (تحریک طالبان ضراربنوچی گروپ)، عبدالرحمن ولد خان زادہ سکنہ میر علی شمالی وزیرستان (غازی فورس ظفیر الدین گروپ)، مہر دین ولد نظام الدین سکنہ ممند خیل (تحریک طالبان زرگل عرف آنکل گروپ) سے ہوئی ہے جبکہ ایک ملزم کی شناخت نہ ہوسکی۔

اس خبر پر اپنی رائے کا اظہار کریں

اپنا تبصرہ بھیجیں