بحری راستے سے ریاست آمد، سعودی قوانین میں تبدیلی، اجازت دیدی

ریاض (فارن ڈیسک )سعودی عرب نے بحری راستے سے ریاست آنے والوں کیلئے قوانین میں اہم تبدیلی کی ہے اور اب نئے فیصلے کے تحت غیر ملکی بحری جہاز، یاٹ، کروز، کشتیاں، کرافٹ، تفریحی آبدوز وغیرہ کو بھی 180 دن کے لیے ملک میں داخل ہونے کی اجازت ہوگی۔ عرب میڈیا کے مطابق متعلقہ ادارے نے اس حوالے سے ہدایت نامہ جاری کرتے ہوئے کہا ہے کہ علاقائی سمندر سے گزرنے والے سیاحوں کو جن کے جہازں پر غیر ملکی پرچم لہرا رہا ہو انہیں ملک میں داخل ہونے کے لیے ویزہ جاری کیا جائے گا۔محکمہ زکا، ٹیکس اور کسٹم نے کہا ہے کہ علاقائی سمندر سے گزرنے والی سیاحتی کشتیوں کے مسافروں کو ویزہ جاری کرنے کے لیے مقامی ایجنٹ کی ضرورت ہوگی۔