قائرہ(فارن ڈیسک) چند روز قبل قانون کے امتحان میں پکڑی گئی خاتون رکن پارلیمنٹ نشوی رائف ایک بار پھر خبروں میں آگئی ہیں اور اب دعویٰ کیا جارہاہے کہ ان کے شوہر نے مبینہ طورپر سرکاری ملازمین کو تشدد کا نشانہ بنا ڈالا۔ عرب میڈیا کے مطابق مصر کی قنا گورنری کورٹس کمپلیکس میں رئیل اسٹیٹ رجسٹری کے ایک ملازم نے پارلیمنٹ کی رکن نشوا رائف کے شوہر کے خلاف شکایت درج کروائی جس میں ملزم پرسرکاری ملازمین پر تشدد کرنے کا الزام عاید کیا گیا ہے۔ایک ملازمہ نے نشوی رائف کے شوہر پرملازمہ نے الزام لگایا کہ ان کی ڈیوٹی کے دوران اس کے ساتھیوں کی توہین کی گئی۔ واقعے کے ایک عینی شاہد نے بتایا کہ رکن پارلیمنٹ نشوی رائف کے شوہر دو گواہوں کے ساتھ قنا کورٹس کمپلیکس میں واقع رئیل اسٹیٹ رجسٹری گئے اور اپنی اہلیہ پر امتحان میں دھوکہ دہی کے واقعے کے حوالے سے اپنی گواہی ریکارڈ کرنا چاہتے تھے،گواہ نے مزید کہا کہ “فراڈ کی مرتکب” خاتون رکن پارلیمنٹ کے شوہرنے رئیل اسٹیٹ رجسٹریشن ملازمین کی بات نہیں سنی اور ان کے درمیان جھگڑا ہوا جس کے بعد اس کے خلاف واقعہ کی تحقیقات کے لیے استغاثہ کے لیے میمورنڈم لکھا گیا۔
