نئی دہلی(فارن ڈیسک ) سوشل میڈیا سے متاثر ہوکر پرینک ویڈیو بنانے کی کوشش کرنے والا پانچویں جماعت کا طالب علم جان سے ہاتھ دھو بیٹھا۔ بھارتی میڈیا کے مطابق ہمیر پور شہر کے رہائشی 11 سالہ نکھل راجو نے سوشل میڈیا پر پھانسی لگانے کی ویڈیو دیکھی اور خود بھی ایسی ہی ویڈیو بنانے کی کوشش کے دوران رسی کے پھندے میں لٹک کر ہلاک ہوگیا۔ نکھل کے والد کا کہنا ہے کہ اسے کمرے میں بیہوش دیکھ کر ہسپتال منتقل کیا جہاں ڈاکٹروں نے اس کی موت کی تصدیق کردی۔پولیس کا بتاناہے کہ 11 سالہ طلب علم کے موبائل فون سے پھانسی لگانے جیسی اور ویڈیوز بھی ملی ہیں۔
