کویت سٹی (فارن ڈیسک)امیر کویت کے انتقال کے بعد ولی عہد شیخ مشعل الاحمد الجابر الصباح کویت کے نئے امیر مقرر ہوگئے۔ کویتی میڈیا کے مطابق کویتی کابینہ نے 83 سالہ شیخ مشعل الاحمد الجابر الصباح کو نیا امیر مقررکیا ۔کابینہ نے شیخ نواف شیخ نواف الاحمد الجابرالصباح کی وفات پر گہرے دکھ اور رنج کا اظہار کرتے ہوئے 40 دن سوگ کا بھی اعلان کیا ہے،ریاست کے تمام سرکاری ادارے تین دن تک بند رہیں گے۔ یاد رہےکہ کویت کے امیر شیخ نواف الاحمد الجابرالصباح آج انتقال کرگئے ہیں ، ان کی عمر 86 سال تھی ۔
