وینزویلا(مانیٹرنگ ڈیسک)وینزویلا کے صدر نکولس مادورو نے فلسطین سے اظہار یکجہتی کرتے ہوئے کہا ہے کہ میں فلسطینیوں اور امن کی وکالت کرتا ہوں۔
”پاکستان ٹائم ”کے مطابق ایک بیان میں نکولس مادورو نے کہا کہ دنیا بھر کے عیسائی، یہودی اور مسلمان جنگ بندی اور فلسطینیوں کو ان کی آزاد ریاست کا جائز حق دلانے کا مطالبہ کریں۔وینزویلا کے صدر کا کہنا تھا کہ فلسطین میں سفارتی اور پرامن طریقے سے امن کے قیام کی حمایت کرتے ہیں۔انہوں نے کہا کہ فلسطینیوں کی اپنی سرزمین کے تاریخی حق کا احترام کیا جانا چاہیے۔نکولس مادورو کا مزید کہنا تھا کہ دنیا بھر کے عیسائی، یہودی اور مسلمان بھائی جنگ بندی، اقوام متحدہ کے فیصلوں کا احترام کروانے اور فلسطینیوں کے لیے آزاد اور پرامن علاقے کے لیے امن مذاکرات شروع کروانے کا مطالبہ کریں۔
یہ بھی پڑھیں : تل ابیب میں افراتفری،پروازیں بند،یہودی اسرائیل چھوڑ کر بھاگنے لگے
