واشنگٹن(فارن ڈیسک)کینیڈا میں سکھ رہنما کے جانی نقصان کے بعد امریکہ میں بھی سکھ رہنمائوں کو درپیش خطرے کے پیش نظر ایف بی آئی نے وارننگ جاری کردی۔ فیڈرل بیورو آف انویسٹی گیشن نے کیلیفورنیا میں سرکردہ سکھوں کو خبردار کیا تھا کہ ان کی زندگیوں کو بھارت سے خطرہ ہے،یہ وارننگ جون میں جاری کی گئی تھی جس کی خبراب سامنے آئی ہے ۔ امریکن سکھ کاکس کمیٹی ارکان اور امریکی سکھ ایکٹویسٹ پریت پال سنگھ کا کہنا ہے کہ کینیڈا میں ہردیپ سنگھ نِجر کے قتل کے بعد ایف بی آئی نے ان سے رابطہ کیا اور کہا کہ ہماری زندگیوں کو بھی خطرہ ہے، ہمیں احتیاط کرنی چاہیے۔ ادھر کینیڈا اور امریکا کی سکھ تنظیموں نے بھارتی سفارتی مشن کے سامنے مظاہروں کا اعلان کر دیا ہے۔
یہ بھی پڑھیں : کینیڈا میں ہردیپ سنگھ کاقتل ، امریکہ نے بھی کینیڈین موقف کی تائید کردی
