لندن ( مانیٹرنگ ڈیسک) لندن میں پولیس نے برطانوی شاہ چارلس سوئم کی تاج پوشی سے چند روز قبل ایک شخص کو بکنگھم پیلس کے احاطے میں شاٹ گن کے کارتوس پھینکنے پر گرفتار کیا ہے۔
گرفتار کئے گئے شخص سے ایک چاقو بھی برآمد ہوا ہے۔گرفتا ملزم کا نام حکام نے جاری نہیں کیا، نہ ہی اس کی حرکت کی وجہ بیان کی گئی ہے۔
”پاکستان ٹائم“ کے مطابق گریٹر لندن کی میٹروپولیٹن پولیس سروس نے ایک بیان میں کہا کہ مشتبہ شخص کو خطرناک ہتھیار رکھنے کے شبہ میں گرفتار کیا گیا تھا، جس کے بعد بادشاہ کی سرکاری رہائش گاہ اور انتظامی دفاتر کے باہر سرچ آپریشن بھی کیا گیا۔گرفتا ملزم کا نام حکام نے جاری نہیں کیا، نہ ہی اس کی حرکت کی وجہ بیان کی گئی ہے۔یہ واضح نہیں کہ آیا کارتوس چلنے کے قابل تھے یا نہیں، لیکن پولیس نے انہیں بھی ضبط کرلیا اور ان کی جانچ کی جا رہی ہے۔لیکن پولیس کا کہنا ہے کہ یہ واقعہ دہشت گردی سے جڑا سمجھا نہیں جاتا۔پولیس حکام کا کہنا ہے کہ واقعے کے بعد علاقے کو عارضی طور پر گھیرے میں لے لیا گیا تھا، اور کچھ لوگوں کو بکنگھم پیلس کے احاطے سے نکالا بھی گیا تھا، کیونکہ حکام نے ”احتیاط کے طور پر“ وہاں ایک کنٹرول شدہ دھماکہ کیا تھا۔شاہ چارلس کی تاج پوشی ہفتہ کو ویسٹ منسٹر ایبی میں کی جائے گی، جو لندن میں بکنگھم پیلس سے تقریباً ایک میل مشرق میں واقع ہے۔
