نئی دہلی (ویب ڈیسک ) بھارتی شہر اندور میں فارمیس کے سابق طالب علم نے مارک شیٹ نہ دینے پر خاتون پرنسپل پر پٹرول چھڑک کر آگ لگا دی ۔
بھارتی میڈیا کے مطابق ریاست مدھیہ پردیش میں اندور کالج کی پرنسپل گھر جانے کے لیے کالج سے باہر نکلی ہی تھیں کہ نوجوان نے خاتون پرنسپل پر پٹرول چھڑک کر فوراًآگ لگا دی جس سے خاتون کا فیصد جسم جھلس گیا ہے۔
کالج کے دیگر اساتذہ اور سٹاف نے کسی طرح آگ بجھائی اور 54 سالہ پرنسپل ویمکتا شرما کو ہسپتال منتقل کیا، تاہم ڈاکٹرز کا کہنا ہے کہ پرنسپل کی حالت تشویشناک ہے ، کالج کے ہی سیکیورٹی گارڈ نے پرنسپل کو آگ لگانے والے نوجوان کو پکڑ کر پولیس کے حوالے کیا، نوجوان کے ہاتھ اور سینہ پر بھی زخم آئے ہیں، ملزم طالب علم آشوتوش شریواستو اسی کالج کے شعبہ فارمیسی کا سابق طالب علم تھا، طالب علم کا کہنا تھا کہ گزشتہ برس جولائی سے پرنسپل صاحبہ مارک شیٹ دینے میں ٹال مٹول سے کام لے رہی تھیں جس پر میں غصے میں آگیا۔
