ڈی ایچ اے سمیت سب ہاوسنگ سوسائٹیزمیں فراڈ ہے،اسلام آباد ہائیکورٹ

اسلام آباد(کورٹ رپورٹر)اسلام آباد ہائیکورٹ نے ریمارکس دیے ہیں کہ بدقسمتی سےڈی ایچ اے سمیت سب ہاوسنگ سوسائٹیزمیں فراڈ ہے۔ہائیکورٹ میں ڈیفنس ہاوسنگ اتھارٹی(ڈی ایچ اے)کی جانب سے پلاٹ منسوخی کے خلاف درخواست کی سماعت ہوئی۔ہائیکورٹ نے درخواست گزار سے حتمی دلائل طلب کرلیے۔شہری محمد طارق نے بتایا کہ ڈی ایچ اے نے تمام ادائیگی کے باوجود الاٹمنٹ منسوخ کردی۔سی ڈی اے نے موقف اختیار کیا کہ ڈی ایچ اے فیز ون اسلام آباد میں نہیں پنڈی میں ہے،عدالتی دائرہ اختیار نہیں۔

جسٹس محسن اختر کیانی نے ریمارکس دیے کہ بدقسمتی سے ڈی ایچ اے سمیت سب ہاوسنگ سوسائٹیزمیں فراڈ ہے،یہاں سپریم کورٹ بھی ہاوسنگ سوسائٹی چلا رہی ہے آرمی کوکیاکہیں،سب کو اسلام آباد میں پلاٹ چاہیے۔