جنگ کے منڈلاتے سائے اور کشیدہ صورتحال،حکومت نے پٹرول اتنا سستا کر دیا کہ بھارت بھی حیران رہ جائے

اسلام آباد(بیورو رپورٹ)وفاقی حکومت نے جنگ کے منڈلاتے بادلوں کے درمیان ہی پیٹرولیم مصنوعات کی قیمتوں میں کمی کا نوٹیفکیشن جاری کر دیا۔
”پاکستان ٹائم“کے مطابق وزارت خزانہ کی جانب سے جاری پیٹرولیم مصنوعات کی قیمتوں میں کمی کا نوٹیفکیشن جاری کر دیا گیا،جس کے مطابق پیٹرول اور ہائی سپیڈ ڈیزل کی قیمتوں میں 2،2 روپے فی لیٹر کمی کر دی گئی ہے۔نوٹی فکیشن کے مطابق پیٹرول کی فی لیٹر قیمت میں 2 روپے کمی کی گئی ہے،جس کے بعد پیٹرول کی نئی قیمت 252 روپے 63 پیسے مقرر کر دی گئی۔اسی طرح ہائی سپیڈ ڈیزل بھی 2 روپے سستا ہو گیا، جس کے بعد اس کی نئی قیمت 258 روپے 64 پیسے مقرر کی گئی ہے۔پیٹرولیم مصنوعات کی نئی قیمتوں کا اطلاق آج رات 12 بجے سے اگلے 15 روز کے لیے ہو گیا ہے۔خیال رہے کہ عالمی نرخوں میں کمی کی وجہ سے 30 اپریل کو ختم ہونے والے اگلے 15 دنوں کے لیے پیٹرول اور ڈیزل کی قیمتوں میں تقریباً 10 روپے فی لیٹر کمی کا تخمینہ لگایا گیا تھا۔وزیر اعظم شہباز شریف نے اعلان کیا تھا کہ پیٹرولیم مصنوعات کی قیمتیں آج کم ہونے جارہی ہیں لیکن ہم یہ فائدہ عوام کو منتقل نہیں کریں گے بلکہ اس بچت سے بلوچستان میں موٹر وے طرز کی ہائی وے بنائے جائیں گے۔تاہم 15 اپریل کو صدر مملکت کی جانب سے پیٹرولیم لیوی آرڈیننس جاری کیا گیا جس کے بعد وفاقی حکومت نے شہریوں پر ملکی تاریخ کا سب سے زیادہ پیٹرولیم لیوی کا بوجھ منتقل کر دیا تھا۔صدر مملکت کی جانب سے پیٹرولیم لیوی آرڈیننس جاری کرتے ہی عوام پر بڑا بوجھ لاد دیا گیا۔صدارتی آرٹیننس سے پہلے حکومت پیٹرول اور ڈیزل پر 70 روپے فی لیٹر پیٹرولیم لیوی وصول کر رہی تھی تاہم نوٹی فکیشن کے بعد پیٹرول پر پیٹرولیم لیوی 78 روپے 2 پیسے فی لیٹر کر دی گئی اور ہائی سپیڈ ڈیزل پر پیٹرولیم لیوی 77 روپے ایک پیسے فی لیٹر مقرر کی گئی۔