اسلام آباد(کورٹ رپورٹر) پاکستان تحریک انصاف (پی ٹی آئی) کے بانی چئیرمین عمران خان کے ایکس اکاونٹ سے شیخ مجیب الرحمان کی ویڈیو اپلوڈنگ کرنے کے معاملے پر ایف آئی اے نے بانی پی ٹی آئی کے بعد مزید تین رہنماوں کو بھی نوٹس جاری کر دیا۔
”پاکستان ٹائم“ کے مطابق پی ٹی آئی کے چیئرمین بیرسٹر گوہر خان، سیکریٹری جنرل عمر ایوب خان اور سیکریٹری اطلاعات رو¿ف حسن کو ایف آئی اے نے منگل کو صبح 11 بجے انکوائری کے لیے طلب کر لیا گیا ہے۔نوٹس میں کہا گیا ہے کہ بانی پی ٹی آئی کے آفیشل ایکس اکاونٹ کے غیر قانونی استعمال پر کی جانے والی انکوائری کے سلسلے میں مذکورہ رہنماو¿ں کو نوٹس جاری کیا گیا ہے۔اس حوالے سے کہا گیا کہ بانی پی ٹی آئی کے آفیشل اکاونٹ سے ریاست اور ریاستی اداروں کے خلاف عوام کو اشتعال دلانے کی کوشش کی گئی ہے، جس سے عوام میں خوف اور بے چینی پھیلنے کا خدشہ ہے۔نوٹس میں بتایا گیا ہے کہ اس اشتعال انگیزی سے عوام کو ریاست اور اداروں کے خلاف قانون ہاتھ میں لینے پر بھی اکسایا جا سکتا ہے۔
