لاہور( وقائع نگار) ڈی آئی جی شاہد جاوید کی ہدایات پت موٹروے پولیس نے نجی پینٹ کمپنی کے اشتراک سے گاٸیڈنس سنٹر ٹھوکر نیاز بیگ میں روڈ ساٸیڈ سیفٹی تقریب کا انعقاد کیا۔ تقریب میں ایس پی عاطف علی چودھری نے بطور مہمان خصوصی شرکت کی۔ شرکا میں ڈی ایس پی راٶ حسنات ، موٹروے پولیس کے دیگر افسران،برجر پینٹس کی ٹیم اور عوام نے بڑی تعداد میں شرکت کی۔ تقریب کے شرکا سے خطاب کرتے ہوٸے سیکٹر کمانڈر عاطف چودھری کا کہنا تھا کے ہر سال پوری دنیا میں ہر سال لاکھوں لوگ روڈ ایکسیڈنٹ میں اپنی جان گنوا بیٹھتے ہیں اور اس میں زیادہ تعداد نوجوانوں کی ہوتی ہے۔ سیکٹر کمانڈر کا مزید کہنا تھا کے حادثا کی سب سے بڑی وجہ آگاہی کا نہ ہونا اور غفلت اور لاپرواہی سے گاڑی چلانا ہے۔ موٹروے پولیس عوام کو محفوظ سفر فراہم کرنے کے لیے ہر ممکن کوشش کررہی ہے، اور ہمارے افسران ہر وقت آپ کی مدد کے لیے شاہراہوں پر موجود ہوتے ہیں۔ موٹروے پولیس نے خصوصی کمپینز بھی شروع کی ہیں جس میں سیٹ بیلٹ اور پولیس لائٹ کے استعمال سے متعلق آگاہی دی جارہی ہے اور خلاف ورزی پر جرمانہ کیا جارہا ہے۔ عوام الناس سے درخواست ہے کہ موٹروے پولیس کے ساتھ تعاون کریں تاکہ شاہراہوں کو مزید محفوظ بنایا جا سکے۔ ترجمان موٹروے پولیس نے بتایا کہ تقریب کے آخر میں شرکا میں انعامات بھی تقسیم کیے گیے. شرکا نے اس کاوش کو بہت سراہا اور ا س طرح کی مزید کاوشوں کے انعقاد کے عزم کااظہار کیا۔ جبکہ آگاہی کے لیے موٹروے پولیس کی جانب سے روڈ سیفٹی اسٹال کا انعقاد بھی کیا گیا
