لاہور(وقائع نگار)موٹروے پولیس نے آئی جی موٹروے پولیس سلمان چودھری کی خصوصی ہدایت پر ڈی آئی جی شاہد جاوید نے پیٹرولنگ افسران کے لیے ہدایات جاری کرتے ہوئے کہا کہ مسافروں سے زائد کرایہ وصول کرنا قابل گرفت جرم ہے.زائد کرایہ موصول ہونے کی شکایت پر ٹرانسپورٹرز اور ڈرائیور حضرات کےخلاف فوری ایکشن لیا جائے گا اور کرایہ مسافروں کو واپس دلوایا جارہا ہے۔ ٹرانسپورٹرز ٹریفک قوانین کی پابندی کو یقینی بنائیں. زائد کرایہ وصول کرنے پر ٹرانسپورٹر مالکان کے خلاف سخت ایکشن لیا جائے گا لہذا مسافر گاڑیاں اوورلوڈنگ، اوور چارجنگ سے گریز کریں. انھوں نے مزید کہا کہ پیٹرولنگ افسران ٹال پلازہ پر الرٹ رہیں. کسی بھی صورتحال سے نمٹنے کے لیے
قومی شاہراہ پر مخصوص پوائنٹس پر اضافی نفری اور اسپیشل سکواڈ تعینات کر دیا گیا. ترجمان موٹروے پولیس کا کہنا ہے کہ دوران سفر معلومات، شکایات اور مدد کے لیے 130 پر رابطہ کیا جاسکتا ہے
