پشاور(وقائع نگار) احتساب عدالت کی جانب سے وزیر اعلیٰ خیبر پختونخوا سمیت تحریک انصاف کے رہنماو¿ں کے وارنٹ گرفتاری پر ردعمل دیتے ہوئے بیرسٹر ڈاکٹر سیف نے کہا ہے کہ پی ٹی آئی رہنماو¿ں کے خلاف تمام مقدمات جعلی ہیں جن پر قانون کے مطابق کارروائی کریں گے۔
”پاکستان ٹائم“ کے مطابق رہنما تحریک انصاف اور خیبرپختونخوا کے مشیر اطلاعات بیرسٹر ڈاکٹر سیف نے اپنے ردعمل میں کہا ہے کہ پی ٹی آئی رہنماو¿ں کےخلاف بے بنیاد اور جھوٹے الزامات پر من گھڑت مقدمات بنائے گئے، تمام جعلی کیسز پر قانون کے مطابق کارروائی کریں گے۔انہوں نے کہا کہ پی ٹی آئی رہنماو¿ں کے خلاف یہ تمام جعلی کیسز ہیں جن کی کوئی قانونی حیثیت نہیں، ملزمان کو عدالتوں نے ان مقدمات میں ضمانتیں دے رکھی ہیں۔بیرسٹر سیف نے کہا کہ علی امین گنڈا پور خیبر پختونخوا کے منتخب وزیر اعلیٰ ہیں جن پر عوام نے اعتماد کیا ہے۔ انہوں نے کہا کہ ن مقدمات سے پی ٹی آئی ورکرز کے حوصلے پست نہیں ہوں گے، ہم عدالتوں کے ذریعے باعزت طریقے سے سے تمام مقدمات میں بری ہوں گے۔بیرسٹر سیف کا کہنا تھا کہ کھربوں کرپشن کرنے والے آزاد گھوم رہے ہیں جبکہ خیبر پختونخوا کے منتخب وزیر اعلیٰ کے وارنٹ گرفتاری جاری ہوچکے ہیں۔
