لاہور (جنرل رپورٹر) پنجاب کی وزیراعلیٰ مریم نواز نے صوبے میں جلد ایئرایمبولینس شروع کرنے کا عندیہ دیتے ہوئے ایمرجنسی صورتحال میں اپنا ہیلی کاپٹر استعمال کرنے کی اجازت دیدی۔ گزشتہ روز اجلاس کی صدارت کرتے ہوئے وزیراعلی کا کہنا تھا کہ ہمارے لوگ بروقت ہسپتال نہ پہنچنے کی وجہ سے زندگی کی بازی ہار جاتے ہیں، سرگودھا ہسپتال میں ہارٹ اٹیک کے مریض کو بے بس دیکھ کر دلی دکھ ہوا،ایسی صورتحال میں فوری طورپر میراہیلی کاپٹر استعمال کیلئے موجود ہے، دور دراز علاقو ں میں حادثے کی صورت میں متاثرین کو بروقت ہسپتال پہنچانا ناگزیر ہے، موٹروے پر بھی ریسکیو ڈبل ون ڈبل ٹو سروس شروع کی جائے گی۔
