اسلام آباد(جنرل رپورٹر)ڈوبتے کو تنکے کا سہارا کے مصداق چین کی حکومت نے بلو چستان اور خیبرپختونخوا کے بارشوں سے متاثرہ علاقوںکے لئے ایک لاکھ امریکی ڈالر کی ہنگامی امداد فراہم کر دی۔ پاکستان میں چین کے سفیرجیانگ زیڈونگ نے کہا ہے کہ امداد ی رقم سے ضرورت مند لوگوںکی بروقت اور ضروری مدد کو یقینی بنایا جا سکتا ہے، انہیوں نے ایک لاکھ امریکی ڈالر کا چیک سیکرٹری خارجہ محمد سائرس سجاد قاضی کو دیا،پاکستان میں چین کی طرف سے گوادر میں لوگوں میں منرل واٹر کی تیس ہزار بوتلیں ،کھانے کے تین ہزار ڈبے اور دیگر سامان متاثرہ خاندانوں میں تقسیم کیا جاچکا ہے جبکہ متاثرین کو کو چین کی مددسے تعمیر کیے گئے گوادر فقر اسکول میں پناہ دی گئی۔ ان کامزید کہناتھاکہ مستقبل قریب میںکراچی کے قونصلیٹ جنرل کے ذریعے دیگر ساز وسامان کے لئے پانچ لاکھ یوآن کی مدد بھی فراہم کی جائے گی۔
