صدقہ فطر، فدیہ صوم اور کفارہ صوم کا اعلان ہوگیا

کراچی (نمائندہ خصوصی ) رویت ہلال کمیٹی کے سابق چیئرمین مفتی منیب الرحمان نے فطرہ، فدیہ صوم اور کفارہ صوم کا اعلان کردیا، گندم کا آٹا دو کلو، فطرہ اور ایک روزے کا فدیہ 300روپے ہے، صدقہ فطر اور فدیے کی کم از کم مقدار 300 روپے فی کس ہے۔ مفتی منیب الرحمان نے کہاکہ جو مسلمان ‘جو’، ‘کھجور’، ‘کشمش’ اور ‘پنیر’ کے حساب سے فطرہ ادا کرنا چاہتے ہیں ان کے لیےجو(چارکلو)فطرہ اور ایک روزے کا فدیہ 600روپے ہے، کھجور(چار کلو)فطرہ اور ایک روزے کا فدیہ 2400روپے ہے،روزہ توڑنے کا کفارہ60مساکین کو دووقت کا کھانا کھلانا ہے۔ واضح رہے کہ صدقہ فطر عید کی نماز سے قبل ادا کرنا ضروری ہے جبکہ گھر کے سربراہ کو اپنے پیاروں یعنی بیوی اور بچوں وغیرہ کا فطرانہ بھی ادا کرنا ہوگا۔