اسلام آباد (عدالتی رپورٹر)سابق وفاقی وزیر فواد چودھری کی اہلیہ حبا فواد کواسلام آباد ہائیکورٹ نے بیرون ملک جانے کی اجازت دے دی اور سماعت غیرمعینہ مدت کیلئے ملتوی کردی۔ اسلام آباد ہائیکورٹ کے جج جسٹس محسن اختر کیانی کی عدالت میں اسسٹنٹ اٹارنی جنرل نے بتایا کہ درخواست گزار کا نام نو فلائی لسٹ میں شامل نہیں، جس پر عدالت نے حبا فواد کو بیرون ملک جانے کی اجازت دے دی۔ عدالت نے ریمارکس میں کہا کہ درخواست گزار کے بیرون ملک جانے میں کوئی رکاوٹ نہیں، درخواست گزار وطن واپسی پر بیان حلفی دے کہ اسے بیرون ملک جانے میں کوئی دشواری پیش نہیں آئی۔
