کراچی (نمائندہ خصوصی ) سابق وفاقی وزیر خزانہ مفتاح اسماعیل نے اسحاق ڈا ر کی جگہ محمد اورنگزیب کو وزیرخزانہ بنانے کی وجہ بتادی اور کہاہے کہ حکومت نے محمد اورنگزیب کو وزیر خزانہ بنا کر بڑا مسئلہ سلجھا دیا، اسحاق ڈاروزیرخزانہ ہوتے توآئی ایم ایف معاہدہ نہ کرتااور ڈیفالٹ کر جاتے۔ پاکستان ٹائم کے مطابق مفتاح اسماعیل کا کہنا تھا کہ محمد اورنگزیب کے وزیر خزانہ بننے پرخوشی ہے، وہ بہت قابل آدمی ہیں،دیکھناہے کون ان کی ٹانگیں کھینچتا ہے، ہم نے16مہینے میں کوئی قابل ذکرکامیابیاں نہیں دیکھیں،آج وہی16مہینے والے وزرا ہیں اللہ سے امیدہے توقع کم ہے،پاکستان 75 سال میں بندگلی میں آگیا۔ ان کامزید کہناتھاکہ نوازشریف لاہورکے حلقے سے ہارے ہوئے ہیں جبکہ سلمان اکرم راجہ لاہورسے جیتے ہوئے ہیں۔
