پشاور (نمائندہ خصوصی) خیبرپختونخوا حکومت نے راشن دینے کی بجائے رمضان پیکیج میں شہریوں کو نقد رقم دینے کا اعلان کر دیااور یہ رقم دس ہزار روپے ہوگی جو یقیناً پنجاب کے ریلیف پیکج سے زیادہ ہے۔ صوبائی وزیر خوراک خیبر پختونخوا ظاہر شاہ طورو کاکہناتھاکہ نقد رقم دینے کا مقصد عوام کو دھکم پیل اور بد نظمی سے بچانا ہے، صوبے میں رجسٹرڈ خاندانوں کی مجموعی تعداد ساڑھے 8 لاکھ ہے، خیبر پختونخوا میں تقریبا 50 لاکھ لوگ احساس پروگرام کے لیے رجسٹرڈ ہیں اور ہر خاندان کو 10 ہزار روپے دیئے جائیں گے۔
