کوئٹہ (نامہ نگار خصوصی) بلوچستان سے سینیٹ کی خالی ہونیوالی تین نشستوں پر انتخاب کا شیڈول سامنے آگیا ہے اور انتخاب 14مارچ کو ہوگا ، سابق وزیراعلی میرعبدالقدوس بزنجو اور سابق وفاقی وزیر میردوستین ڈومکی سمیت نو امیدوار مدمقابل ہیں ۔ پاکستان ٹائم کے مطابق پاکستان پیپلز پارٹی نے سابق وزیراعلی عبدالقدوس بزنجو ، مسلم لیگ ن نے سابق وفاقی وزیر میر دوستین ڈومکی کو ترجیحی فہرست میں پہلے نمبر پر رکھا ہے جبکہ جے یو آئی نے قبائلی رہنماعبدالشکور غبیزئی کوامیدوار نامزد کیا ہے ۔ بلوچستان سے سینیٹر کو منتخب کرانے کے لیے 20 سے 21 ووٹوں کی ضرورت ہے ۔
