لاہور(وقائع نگار) وزیراعلیٰ پنجاب مریم نوازشریف کی زیر صدارت اجلاس میں ایک لاکھ گھر پراجیکٹ پر پیش رفت کا جائزہ ،لاگت میں کمی لانے کی ہدایت جاری ۔
وزیراعلیٰ کی سربراہی میں اجلاس میں سیکرٹری ہاوسنگ نے کم آمدن والے لوگوں کے لئے سکیم سے متعلق امور سے آگا ہ کیا،مریم نواز نے کم آمدن والے لوگوں کے لیے گھر کی لاگت میں کمی کے لئے اقدامات اور گھر کی قسط ممکنہ حد تک کم کرنے کی ہدایت کر دی ۔مریم نواز نے اضلاع میں گھروں کی تعمیر کے لئے اراضی کی نشان دہی کی ڈیڈ لائن مقرر کرنے کی بھی ہدایت کی اور کہا کہ میں چاہتی ہوں پنجاب میں کوئی بے گھر نہ ہو،ہر شہری کے پاس اپنی چھت ہو،عوام کیلئے سستے گھروں کی فراہمی ہمارے منشور کا حصہ ہے۔اجلاس میں سینئر صوبائی وزیر مریم اورنگزیب،صوبائی مشیر پرویز رشید،وزیراطلاعات و ثقافت عظمیٰ زاہد بخاری،ایم پی اے ثانیہ عاشق،ذیشان ملک،چیف سیکرٹری،ایس ایم بی آر،چیئرمین پی اینڈڈی،سیکرٹری ہاوسنگ، سیکرٹری فنانس،کمشنر لاہور،ڈی جی پی ایچ اے ٹی اے،پنجاب افورڈایبل ہاوسنگ پروگرام کے پراجیکٹ ڈائریکٹر اوردیگر متعلقہ حکام نے شرکت کی۔
