اسلام آباد(وقائع نگار )زاہد گشکوری، ہیڈ ہم انویسٹی گیشن ٹیم کراچی میں دوکھرب کی سرکاری ونیم سرکاری اراضی کی جعلی منتقلی کا انکشاف ہوا ہے، سرکاری افسران اور محکمہ مال کی ملی بھگت سے 3 لاکھ 28 ہزار کنال زمین کا فراڈ انتقال کے ذریعے منتقلی ہوئی۔
”پاکستان ٹائم ”کے مطابق ہم انویسٹگیشن ٹیم کو موصول سرکاری دستاویزات کیمطابق نگران حکومت نے سپریم کورٹ کے حکم پرریکارڈ کی چھان بین کی سفارش کی تھی، 41 ہزار ایکڑقیمتی اراضی کی کراچی کے مختلف پوش اوردودراز کے علاقوں میں جعلی منتقلی کی گئی۔سرکاری دستاویزات میں مزید انکشاف ہوا ہے کہ 2ہزار ارب روپے کی مالیت کی جعلی منتقلی 2012 سے ہورہی تھی، سینیرممبر بورڈ سندھ نے تمام ریکارڈ سندھ نگران کابینہ کے سامنے رکھا تھا۔ہزاروں جعلی انتقال اورزمین کی فراڈ منتقلیاں سامنے آئی ہے، ریونیوریکارڈ تبدیل کرنے والے افسران اورحکام کیخلاف سخت ایکشن کی سفارش، دستاویزات سے مزید معلوم پڑتا ہے۔کابینہ نے سفارش کی ہے کہ محکمہ مال تمام سرکاری و نیم سرکاری زمین کے کھاتوں کی چھ ماہ میں چھان بین مکمل کرے، سال 2012 سے زمین کے سینکڑوں جعلی داخلے رکھے جانے کا بھی انکشاف ہوا ہے
