پشاور(بیورو رپورٹ) الیکشن کمیشن کی جانب سے صدارتی انتخاب کا شیڈول سامنے آنے کے بعد جمعیت علماء اسلام کے سربراہ مولانا فضل الرحمان بھی میدان میں آ گئے،ایسا حیران کن اعلان کر دیا کہ سیاسی جماعتیں دنگ رہ جائیں گی۔
”پاکستان ٹائم“کے مطابق پشاور میں پریس کانفرنس کرتے ہوئے مولانا فضل الرحمان نے کہا ہے کہ وہ صدارتی انتخابات میں حصہ نہیں لینگے،الیکشن سے دستبردار شدہ لوگ کامیاب ہوگئے،اگر پی ٹی آئی جیت گئی ہے تو ان کو حکومت حوالے کر دیں۔مولانا فضل الرحمان نے کہا کہ 2018 میں ہم اسمبلی میں تھے لیکن احتجاج بھی کر رہے تھے،آج موقف کیسے تبدیل ہو گیا کہ دھاندلی بھی ہو گئی لیکن حکومت میں بیٹھ رہے ہیں؟۔انھوں نے دعویٰ کیا کہ اسٹیبلشمنٹ کی مداخلت اس حد تک بڑھ گئی ہے کہ پارٹیوں کو امیدوار بھی وہ دیتے ہیں،آنے والے دنوں میں سسٹم میں رہنے والے روئیں گے،الیکشن میں ایسے لوگ کامیاب ہوئے جو مہم میں نظر نہیں آئے۔انھوں نے کہا کہ پارلیمنٹ میں عوام کے 6 نمائندے ہونے چاہئیں،ہم سسٹم سے باہر اور ملک میں بیٹھے ہیں،چاہتے ہیں تمام معاملات بہتر طریقے سے چلیں،آئین اور قانون کے مطابق کام ہونے چاہئیں۔
