لاہور (وقائع نگار خصوصی ) مسلم لیگ ن کی چیف آرگنائز ر اور صوبے کی پہلی ممکنہ وزیراعلیٰ مریم نواز کے دو تہائی اکثریت سے وزیراعلی پنجاب منتخب ہونے کا دعویٰ سامنے آگیا، یہ دعویٰ مسلم لیگ ن کی رہنماعظمی بخاری نے کیا۔ پنجاب اسمبلی کے باہر میڈیا سے گفتگو میں عظمی بخاری کا کہنا تھا کہ مریم نواز پاکستان کی پہلی خاتون وزیراعلی پنجاب ہوں گی، مریم نواز مشکل وقت میں پارٹی کے ساتھ کھڑی ہوئیںاور ظالم کے سامنے کلمہ حق بیان کیا، مریم اپنی قابلیت پر دو تہائی اکثریت کیساتھ پنجاب اسمبلی سے وزیراعلی پنجاب منتخب ہوں گی۔ انہوں نے کہاکہ مریم نواز منتخب ہونے کے بعد اپنی پہلی تقریر کریں گی اور آگے کے لائحہ عمل کے بارے آگاہ کریں گی۔ایک سوال کے جواب میں ان کاکہناتھاکہ کابینہ بہت بڑی نہیں ہوگی، مریم نواز کا سادہ سا روڈ میپ ہے، آپ گورننس کا ایک اچھا روڈ میپ دیکھیں گے۔
