اسلام آباد (عدالتی رپورٹر ) دوران عدت نکاح کیس فیصلے کے خلاف عمران خا ن اور ان کی اہلیہ بشریٰ بی بی نے ڈسٹرکٹ اینڈ سیشن کورٹ اسلام آباد میںاپیل دائر کردی جس میںوفاق اور خاور فرید مانیکا کو فریق بنایاگیا ہے ۔ اپیل میں درخواست گزاروں کی جانب سے موقف اختیار کیاگیا ہے کہ طلاق اپریل2017 میں ہوئی اور اگست2017 میں والدہ کے گھر منتقل ہوگئی تھی، طلاق کے6 سال بعد درخواست دی گئی، تین مرتبہ طلاق دینے کے بعد حق رجوع نہیں بنتا، عدالت نے دائرہ اختیار نہ ہونے کے باوجود سماعت کی اور سزا سنائی۔ اپیل میں عدالت سے استدعا کی گئی کہ عدت میں نکاح کیس ٹرائل کورٹ کا تین فروری کا فیصلہ کالعدم قرار دیا جائے۔
