کراچی (بزنس ڈیسک) پاکستان میں سونا اور ڈالر مزید مہنگے ہوئے ۔ پاکستان ٹائم کے مارکیٹ ذرائع کے مطابق عالمی منڈی میں سونے کی قیمت میں اضافے کے بعد پاکستان میں ایک تولہ سونا 300 روپے اضافہ سے 2 لاکھ 11 ہزار 100 روپے کا ہو گیا ، دس گرام سونا 257روپے اضافہ سے 1 لاکھ 80 ہزار 984 روپے کا ہوگیاجبکہ ایک تولہ چاندی 2580 روپے پر بر قرار ہے۔ ادھر اوپن مارکیٹ میں ڈالر کی قیمت میں 36 پیسے کا اضافہ ہو گیا،کاروباری ہفتے کے چوتھے روز اوپن مارکیٹ میں ڈالر قیمت میں اضافے کے ساتھ 281 روپے 95 پیسے پر فروخت ہونے لگا۔
