اسلام آباد(سٹاف رپورٹر)پاکستان تحریک انصاف کے صدرپرویز الٰہی نے نشستیں پوری ہونے تک کسی سے بات نہ کرنے کا اعلان کردیااور کہاکہ جب تک ہماری سیٹیں پوری نہیں کی جاتی کسی سے بات نہیں ہو گی، بات چیت میں کوئی حرج نہیں لیکن پہلے چھینی گئی سیٹیں واپس کی جائیں۔ جوڈیشل کمپلیکس میں توڑ پھوڑ کیس کی سماعت کے موقع پر میڈیا نمائندگان سے غیررسمی گفتگو کرتے ہوئے پرویز الٰہی کاکہنا تھا کہ شہبازشریف نے اپنے بھائی کو بھی معاف نہیں کیا،یہ لاڈلے بننے کیلئے آئے تھے،بات چیت میں کوئی حرج نہیں لیکن پہلے چھینی گئی سیٹیں واپس کی جائیں،یہ سارے گھبرائے ہوئے لوگ ہیں،پہلا الیکشن ہے جہاں کسی کا ایک پیسہ نہیں لگا۔ دوسری طرف ڈیوٹی جج شاہ رخ ارجمند نے پرویز الٰہی کے جوڈیشل ریمانڈ میں توسیع کردی اور29فروری کو کمرہ عدالت میں دوبارہ پیش کرنے کا حکم دیدیا۔
