کوئٹہ (وقائع نگارخصوصی )حالیہ انتخابی نتائج کے خلاف سیاسی جماعتوں کی اپیل پرکوئٹہ میں شٹر ڈاون ہڑتال کی گئی اور اس دوران دیگر کاروباری مراکز کے ساتھ بینک بھی بند رہے ہیں۔ کوئٹہ میں انتخابی نتائج کے خلاف 4 جماعتی اتحاد کی جانب سے انتخابی نتائج کی درستگی تک دھرنا جاری رکھنے کا اعلان کیا گیا۔ بی این پی، پشتونخوامیپ، نیشنل پارٹی اور ایچ ڈی پی کے درمیان اتحاد پر غور کیا جا رہا ہے،چاروں قوم پرست جماعتوں میں تحفظ جمہوریت تحریک چلانے کی تجویز زیر غورہے۔ ذرائع کے مطابق چاروں جماعتوں نے آئندہ پی ڈی ایم طرز کی وفاقی اتحاد کا حصہ نہ بننے کا فیصلہ بھی زیر غور ہے ، چاروں جماعتوں کا سربراہی اجلاس جلد بلانے پر اتفاق کیا گیا ہے، سربراہی اجلاس میں زیرغور تجاویز پر حتمی فیصلہ ہوگا۔
