سیالکوٹ (وقائع نگار خصوصی ) استحکام پاکستان پارٹی کی رہنما فردوس عاشق اعوان نے انتخابات والے دن پولیس اہلکار کو تھپڑ مارنے پر معافی مانگ لی۔ تفصیلات کے مطابق ممبر کے پی جسٹس ریٹائرڈ اکرم اللہ کی سربراہی میں 2 رکنی کمیشن نے پولنگ ڈے پر تھپڑمارنے کاکیس سنا جس دوران آئی پی پی رہنما نے الیکشن کمیشن سے معافی مانگ لی، میں جب ووٹ کاسٹ کرنے گئی تو پولیس اہلکار ٹھپے لگا رہا تھا، میں نے پریذائیڈنگ آفیسر سے شکایت کی۔ فردوس عاشق اعوان کا کہنا تھا کہ پریذائیڈنگ افسر نے کہا کہ یہ میری بات نہیں سن رہے۔ جواب میں ممبر الیکشن کمیشن پنجاب نے استفسار کیا ک اگر کوئی بات نہیں سن رہا تو آپ تھپڑ ماریں گی؟
