اسلام آباد(وقائع نگار)پاکستان تحریک انصاف کے رہنما حسن روف نے کہا ہے کہ 100میں 93ا?زادامیدوار ہماری سپورٹ سے منتخب ہوئے ہیں جبکہ 7سے 8ا?زاد امیدواروں سے متعلق ہمارا خیال ہے کہ وہ ہمارے ساتھ بھی مل سکتے ہیں۔
”پاکستان ٹائم “کے مطابق ہم نیوز کے الیکشن کی خصوصی ٹرانسمیشن ” الیکشن روم ” میں گفتگو کے دوران روف حسن نے کہا کہ 40کے قریب نشستیں ایسی ہیں جہاں جیت کو ہار میں تبدیل کیا گیا ہے ، جہاں ، جہاں پر ہمیں تحفظات ہیں ، ہم اعلیٰ عدالتوں تک جائیں گے۔انہوں نے کہا کہ 100میں 93ا?زادامیدوار ہماری سپورٹ سے منتخب ہوئے ہیں جبکہ باقی 7سے 8آزاد امیدوار ہمارے ساتھ بھی مل سکتے ہیں اور یہ آپشن بھی ہے کہ کسی پارٹی میں شامل ہو کر ریزرو سیٹیں حاصل کریں۔جماعت اسلامی یا کوئی اور پارٹی ہو اس کیلئے جلد فیصلہ کریں گے، الیکشن کمیشن سے ہمیں بھلے کی کوئی توقع نہیں تھی اور نہ ہے ، ہم کس پارٹی کے ساتھ جائیں گے اس کے بارے میں فی الحال ابھی نہیں بتا سکتے۔رہنما تحریک انصاف کا کہنا تھا کہ ایم ڈبلیو ایم کے ساتھ ہمارا پورا اتحاد رہا ہے ، ایسی جماعت کیساتھ جائیں گے جو ریزرو سیٹیوں کا کوٹا کلیم کر سکے۔ہماری پالیسی ہے کہ کسی ریاستی ادارے سے ٹکراو نہیں کریں گے ، ہماری ریاست پر بہت زخم ہیں اس پر مرہم رکھنے کی ضرورت ہے ، اس وقت ملک کو مضبوط حکومت کی ضرورت ہے اور مضبوط حکومت ہی ملک میں استحکام لا سکتی ہے۔انکا کہنا تھا کہ ہم سے نیشنل اسمبلی کی 40کے قریب سیٹیں چھینی گئی ہیں ، جس کیلئے پرامید ہیں وہ واپس ملیں گی، ہمارا بیانیہ ہے کہ چوروں اور ڈاکوں کی حکومت نہ بنے۔ہم ریاست کے ہر ادارے کیساتھ کھلے دماغ سے بات کرنے کو تیار ہیں ، ہم چاہتے ہیں کہ ایک مضبوط اور مینڈیٹ والی حکومت بنے جو ملک کو آگے لے کر جائے۔
