اسلام آباد(سٹاف رپورٹر) تحریک انصاف کے صدر پرویز الٰہی کی اہلیہ قیصرہ الٰہی کی درخواست پر الیکشن کمیشن نے این اے 64 گجرات کا حتمی نتیجہ جاری کرنے سے روک دیااورمسلم لیگ ق کے چوہدری سالک حسین کو 15 فروری کو طلب کرلیا،الیکشن کمیشن نے متعلقہ آر او سے تین دن میں جواب بھی طلب کرلیا۔ الیکشن کمیشن نے آر او کو قیصرہ الہی یا وکیل کی موجودگی میں فارم 47 تیار کرنے کی ہدایت کرتے ہوئے کہا ہے کہ ڈی پی او گجرات یقینی بنائیں کہ فارم 47 کے لیے کوئی رکاوٹ نہ ڈالی جائے، آر او قیصرہ الہی کے تحفظات سن کر ازالہ کرے۔یادرہے کہ غیر حتمی غیر سرکاری نتیجے کے مطابق چوہدری سالک حسین نے ایک لاکھ 5 ہزار 205 ووٹ حاصل کرکے کامیابی حاصل کی جبکہ قیصرہ الہی نے 80 ہزار 946 ووٹ لے سکیں۔
