عباسی شہید ہسپتال کو بند کرنے کی خبر جھوٹی ہے، مرتضیٰ وہاب

کراچی (وقائع نگار)میئر کراچی مرتضیٰ وہاب نے کہا ہے کہ عباسی شہید ہسپتال کو بند کرنے کی خبر جھوٹی ہے۔ ہسپتال اس وقت فعال ہے۔ چلڈرن وارڈ میں 100 سے زیادہ بچے زیرعلاج ہیں۔
”پاکستان ٹائم “کے مطابق میئر کراچی مرتضیٰ وہاب نے کہا ہے کہ عباسی شہید ہسپتال کو بند کرنے کی خبر جھوٹی ہے۔ ہسپتال اس وقت فعال ہے۔ چلڈرن وارڈ میں 100 سے زیادہ بچے زیرعلاج ہیں۔انہوں نے کہا کہ این آئی سی یو اور ایمرجنسی بھی فعال ہے۔ عملے کی ڈیوٹی ضرور لگی ہے، ہم نے نہیں الیکشن کمیشن نے لگائی ہے۔ مرتضیٰ وہاب نے کہا کہ اتنا عملہ موجود ہے ہسپتال فعال رکھا جائے۔ اسپتال کو تالا لگا کر ایک تصویر پھیلائی گئی ہے۔ میئر کراچی نے کہا کہ جن لوگوں نے یہ شرارت کی ہے ان کے خلاف کارروائی کریں گے۔ انہوں نے کہا کہ ڈاکٹرز اور پیرامیڈیکل اسٹاف کی الیکشن ڈیوٹی ضرور لگی ہے اس کے باوجود اسپتال فعال ہے۔