لاہور( نمائندہ خصوصی ) پاکستان مسلم لیگ (ن) کے قائد نوازشریف، صدر شہباز شریف اور سینیئر نائب صدر مریم نواز اپنا ووٹ کہاں کاسٹ کریں گے، پارٹی ذرائع نے تفصیلات جاری کردیں۔
”پاکستان ٹائم “ کے مطابق پاکستان مسلم لیگ( ن ) کے ذرائع کے مطابق 8 فروری کو لیگی قائد نوازشریف گورنمنٹ جونیئرماڈل اسکول اے بلاک ماڈل ٹاو¿ن میں اپنا ووٹ کاسٹ کریں گے۔پارٹی ذرائع کے مطابق پاکستان مسلم لیگ ن کے قائد نواز شریف کا ووٹ اندرون لاہور سے ماڈل ٹاو¿ن منتقل کروا لیا گیا ہے، قبل ازیں 2013 کے عام انتخابات میں نواز شریف کا ووٹ ریلوے روڈ کالج میں تھا۔مسلم لیگ ( ن ) کے صدر شہباز شریف اور ان کے فرزند و سابق وزیر اعلیٰ پنجاب حمزہ شہباز گورنمنٹ جونیئر ماڈل بوائز ہائی اسکول ماڈل ٹاو¿ن میں اپنا اپنا ووٹ کاسٹ کریں گے۔پارٹی ذرائع کا کہنا ہے کہ مسلم لیگ ( ن ) کی چیف آرگنائزر مریم نواز گورنمنٹ پروگریسو گرلز ہائی اسکول ماڈل ٹاو¿ن میں ووٹ کاسٹ کریں گی۔
