انٹرنیٹ سروس کی بلاتعطل فراہمی ، سندھ ہائیکورٹ سے بھی خبرآگئی

کراچی(عدالتی رپورٹر ) سندھ ہائیکورٹ نے ملک بھر میں انٹرنیٹ سروس بلا تعطل بحال رکھنے سے متعلق حکم امتناع برقرار رکھنے کا حکم دیدیا، انٹرنیٹ سروس کی بندش اور تعطل پر چیف جسٹس سندھ ہائیکورٹ عقیل احمد عباسی نے برہمی کا اظہار کیا ہے۔ چیف جسٹس عقیل احمد عباسی نے کہا کہ ہمارا انٹرنیٹ نہیں چلتا تو کہیں اور کیا چلتا ہوگا؟لگتا ہے الیکشن کے بعد انٹرنیٹ سروس ٹھیک ہوجائے گا۔ عدالت نے ملک بھر میں انٹرنیٹ سروس بلا تعطل بحال رکھنے کے حکم امتناع میں توسیع کرتے ہوئے موبائل انٹرنیٹ سروس بھی بلاتعطل جاری رکھنے کا حکم برقرار رکھا،فاضل عدالت نے پی ٹی اے کے وکیل کی عدم حاضری پر سماعت 21 فروری تک ملتوی کردی۔