راولپنڈی (سٹاف رپورٹر)قومی اسمبلی کے حلقہ این اے 56 جہاں سے شیخ رشید اور حنیف عباسی الیکشن لڑرہے ہیں ، کے مکین پانی کی قلت اور گیس لوڈشیڈنگ جیسے مسائل کا شکار ہیں ، سیوریج کے ناقص نظام سے بھی عوام پریشان ، بارش کے بعد گلی محلے تالاب کا منظر پیش کرنے لگتے ہیں۔ راولپنڈی کے حلقہ این اے 56 میں کل 5 لاکھ 23 ہزار 683 رجسٹرڈ ووٹرز ہیں جن میں خواتین ووٹرز 2 لاکھ 51ہزار 274 جبکہ مرد ووٹرز کی تعداد 2 لاکھ 72ہزار 459 ہے۔ این اے 56 میں ٹوٹل 371 پولنگ سٹیشنز ہیں جن میں سے 188 مرد جبکہ خواتین کیلئے 181 پولنگ سٹیشنز بنائے گئے ہیں جبکہ 2 پولنگ سٹیشنز مشترکہ بنائے گئے ہیں۔ اس حلقے میںآزاد امیدوار شہریار ریاض اور پیپلز پارٹی کی سمیرا گل بھی میدان میں اتری ہیں۔ یاد رہے کہ2018 کے عام انتخابات میں اس حلقے سے شیخ رشیداحمد کامیاب قرار پائے تھے۔
