خیبرپختونخوا (وقائع نگار)خیبرپختونخوا کی نگران حکومت نے انتخابات کے لیے پولیس کو فنڈز کی منظوری دے دی۔
”پاکستان ٹائم “کے مطابق پولیس حکام کے مطابق خیبرپختونخوا پولیس کے لیے 50 کروڑ روپے فنڈز کی منظوری دی گئی ہے۔محکمہ پولیس نے انتخابات کے لیے 75 کروڑ روپے کا مطالبہ کیا تھا، تاہم مالی مشکلات کے باعث نگران حکومت نے 50 کروڑ روپے جاری کرنے کی منظوری دی۔پولیس حکام نے کہا کہ انتخابات کے لیے ہر ضلع کو ایک کروڑ روپے سے زیاہ کی رقم دی جائے گی، فنڈز کا بیشتر حصہ فیول کی مد میں خرچ کیا جائے گا۔ حکام کے مطابق ضلعی پولیس کو فنڈز آئندہ ہفتے جاری کیے جائیں گے۔
